طريقة تحضير السمكة الحارة

المقادير:
1- 2 كيلو سمك من نوع ممتاز ( هامور او سكن او شعري )
2- نص كيلو بندورة
3- نص كيلو فليفلة حرة
4-بهارات مشكلة +ملح +كمون+فليفلة حرة وناعمة
5-كاجو + صنوبر
6- بصلتين
7- ليمون
8-ثوم
طريقة التحضير
اول شي بنضف هالسمكات وبنعصر عليهون ليمون وبندق شي خمس سنان توم وبنحطون فوق السمك وبنرش عليهون كمون شي معلقتين كبار (لانو الكمون بيشيل ريحة الزنخة عالاخر)
بنحط كمان فوقون زيت زيتون وبنحركون مزبوط حتى يصيرو مغلفين السمكة عالاخر
طريقة تحضير الحشوة للسمكة:
بنفرم البندورة والبصل والفليفلة بشكل ناعم وبندق الكاجو بالهاون وبنخلطون مزبوط وبنحط معون تشكيلة البهارات حسب الرغبة طبعاوبنفرم معون كمان باقة بقدونس وبنضيف كمان عصير الليمون والتوم وبنحرك المزيج بشكل كتير منيح
بنقوم بحشي السمكة بالحشوة اللي عملنيها طبعا بنكون حاطين السمكة بالصينية وبعد ما نحشي السمكة بندهنها بالزيت وبنعمل فيها حزوز وبنحط بقلب الحزوز شرحات ليمون حتى ما نخلي مجال للزنخة تطلع
على كل معلومة للجميع ( السمك البحري ما الو زنخة)
بعد ما نحشي السمكة ونحطها بالصينية ونرش عليها الزيت بنقوم بتغليف الصينية بالقصدير بشكل جيد جدا وبنحطها بالفرن لمدة 45 دقيقة وعلى نار هادية بعدين بنطلعها من الفرن وبنشيل القصدير وشم الريحة شي بشهي
بنرجعها عالفرن وبنشعل النار من فوق وبنتركها شي عشر دقايق او ربع ساعة حتى تتحمر
وصحتين وعافية

يم يم يم

شي بيشهي

شكرا على الوصفة